လီၤဂၢ်ယွၤလီၤလၢ ယစုမုၢ်တဖၣ် အကဆူး
ဖဲယမၤတိၢ်ဘၣ်ထံးဘၣ် ယတၢ်အီဆၢအလီခီလၢ တၢ်အီၣ်တၢ်အီကျးအစီၢ်နီၤခိၣ် အကပၤထံးန့ၣ်‚ တၢ်ကျဲထံဆၢလီၤလဲာ်လၢစီၢ်နီၤခိၣ်ဒီး ဆူသ့ၣ်ဘၣ်ခိၣ်လိၤလီၤႉ လၢတၢ် မဲာ်ကိၢ်နါကိၢ်အပူၤ‚ ယကျဲးစၢးလူၤဖီၣ်ထံ ဒီးထံယွၤလီၤလၢယစုလိၤလီၤႉ ယတၢ်ကျဲးစၢး တဖၣ် တကဲထီၣ် တၢ်ဘျုးနီတစဲးဘၣ်‚ တၢ်ကျဲထံဆၢတဖၣ်ယွၤလီၤ လၢယစုမုၢ်တဖၣ် အကဆူးလီၤႉ လၢခံကတၢၢ်တခီ‚ ယစုညါသး ဟံးန့ၢ်ဃာ် တၢ်ထံစှၤန့ၢ် နီၣ်တၢၤဆံးဖိတဘ့ၣ်‚ မ့မ့ၢ် ယခီၣ်န့ၣ် အိၣ်ဆၢထၢၣ်လၢ ထံကလီာ်ဖိအပူၤန့ၣ်လီၤႉ
ယတၢ်အိၣ်မူလၢ ယမုၢ်နံၤတဖၣ် မ့ၢ်တၢ်ဒ်န့ၣ် အသိးလီၤႉ ယထံၣ်လီၤက့ၤသး လၢယဂုာ်ကျဲးစၢးခီဖျိကွံာ် တၢ်ကီတၢ်ခဲတဖၣ်လၢ တၢ်ချုးခံနိးသးအပူၤ‚ တၢ်တခါ စုာ်စုာ်န့ၣ် ယသုးကျဲၤအီၤ လီၤတံၢ်‚ ဒီးဒီသူၣ်ဒီသးလၢ တၢ်အိၣ်သးမၤသးတဖၣ် အဖီခိၣ်လီၤႉ ဖဲယကကျဲးစၢးသပှၢ်ပှၢ်ဒၣ်၀ဲန့ၣ် ယစုလၢ အဂံၢ်ပှဲာ်၀ဲတဖၣ် မၤဒီဒၣ်တၢ်အဆံးအက့မ့ၢ်ဂ့ၤ‚ တၢ်အဒိၣ်ဒီခါမ့ၢ်ဂ့ၤ တန့ၢ်၀ဲဘၣ်န့ၣ်လီၤႉ တၢ်တမံၤမံၤန့ၣ် လီၤလဲာ်ယွၤပူၤကွံာ် လၢယစုမုၢ်တဖၣ်အကဆူး ဒီးကဲထီၣ်ထံဖှိၣ်လၢ ယခီၣ်လၢသ့ၣ်ဘၣ်ခိၣ်‚ ဒီးယအိၣ်တ့ၢ်ဒီးသး လၢအဘၣ်တံာ်တာ်နးမးန့ၣ်လီၤႉ ယစုဒီးယစုမုၢ်ဘိ တဖၣ် ဖီၣ်ဃာ်တၢ်တဖၣ်န့ၣ် တန့ၢ်ဘၣ်‚ ယမၤတၢ်တဖၣ် တဘၣ်ဘၣ်၀ဲဘၣ်ႉ…
တၢ်န့ၢ်သါအဂ့ၤတခါ
ယဖုဟါရၠာစး့းစ်ဒီး ဖံဟါရၠာစး့းစ် တအိၣ်ဒီး တိၢ်အါအါဂီၢ်ဂီၢ်ဘၣ်‚ ဘၣ်ဆၣ် အ၀ဲသ့ၣ်ဃုမၤ ခရၠာစးံာ်အိၣ်ဖျဲၣ်အမူးလၢ အကဲထီၣ် တၢ်သ့ၣ်နီၣ်လၢ ယတခွါဒီးယၤအဂီၢ်လီၤႉ ခရၠာစးံာ် အိၣ်ဖျဲၣ်အမူးပူၤ အိၣ်ဒီးတၢ်အီၣ်တၢ်အီအါအါဂီၢ်ဂီၢ်‚ တၢ်လီၤသးခု ဒီးတၢ်အဲၣ်တၢ်ကွံ တဖၣ်န့ၣ်လီၤႉ လၢပနီၢ်ဆံးလံၤလံၤ ပမၤလိဘၣ်လၢ ပှၤလၢအဒုးကဲထီၣ် တၢ်မူးသးဖှံအံၤ မ့ၢ်ဒၣ် ကစၢ်ခရၠာစးံာ်န့ၣ်လီၤႉ
ပသးအိၣ်ပာ်တ့ၢ်တၢ်ဟ့ၣ်သါတမံၤဃီ‚ ဒ်သိးအံၤဆူ ပဖိပလံၤတဖၣ်လီၤႉ ဖဲပထံၣ်လိာ်သကိးသးဒီး ပဒူၣ်ဖိထၢဖိ ဖဲအပူၤကွံာ် လါဒံၢ်စ့ဘၢၣ် ခရၠာစးံာ်အိၣ်ဖျဲၣ်အမူးန့ၣ် ပနၢ်ပၢၢ်လၢ တၢ်လီၤစၢၤလုၢ်ဒိၣ်ပရၤဒိၣ်အံၤ စးထီၣ်သးလၢ ဖုဒီးဖံတဖၣ် န့ၣ်လီၤႉ အ၀ဲသ့ၣ် ပာ်တ့ၢ်န့ၢ် ပှၤတၢ်န့ၢ်သါ ဘၣ်ဃး ကျိၣ်စ့ တန့ၢ်ဘၣ်‚ ဘၣ်ဆၣ်အ၀ဲသ့ၣ် အိၣ်ဒီးတၢ်ပာ်လုၢ်ပာ်ပရၤလၢ အသူၣ်လီၤတ့ၢ် တၢ်ချံတဖၣ်လၢအမ့ၢ် တၢ်အဲၣ်‚ တၢ်ပးကဲ‚ ဒီးတၢ်စူၢ်တၢ်နာ်ဒ်သိး ပ၀ဲ‚ အဖိတဖၣ်အဖိ‚ ကမၤထွဲ အ၀ဲသ့ၣ် အတၢ်ဟ့ၣ်ဒိဂ့ၤတဲာ်ဘၣ်န့ၣ်လီၤႉ
လၢလံာ်စီဆှံအပူၤ ပဖးဘၣ်ဖံနီၢ်လိၤအ့ၣ်ဒီး မိၢ်နီၢ်အူၤနံက့ၤ လၢအဟ့ၣ်ခီဟ့ၣ်နီၤ တၢ်နာ်နီၢ်နီၢ်ဆူ စီၤတံၤမသ့းန့ၣ်လီၤ (…
စုဒုၣ်လၢ အိးထီၣ်သးတဖၣ်
မုၢ်တနံၤလၢ ယ၀ၤသးဘိ ဒဲၣ်န် ဒီးယၤ‚ ပစးထီၣ်ပတၢ်ကဟုကယာ် အတၢ်လဲၤ‚ ဃုာ်ဒီး ပမိၢ်ပၢ်သးပှၢ်တဖၣ်န့ၣ်‚ ပဖီၣ်စဲဘူး ပစုဒုၣ်တဖၣ် မၤသးဒ်ပစံၣ်လီၤလၢ လၢၢ်ကၢၢ်ခိၣ် ဖးထီန့ၣ်လီၤႉ လၢတၢ်ဟ့ၣ်တၢ်ကဟုကယာ်အတၢ်မၤပူၤအံၤ မူဒါတၢ်မၤ အကီကတၢၢ် လၢပကဘၣ်သဂၢၢ်န့ၣ် မ့ၢ်တၢ်ပျဲပသးတဖၣ်လၢ တၢ်ကဃုထံၣ်ဒီးဘှီအီၤ‚ ဒီးပျဲယွၤ ဒ်သိးကသူ တၢ်ဆၢကတီၢ်လီၤဆီအံၤ လၢကမၤကဲထီၣ်ပှၤ ဒ်သိးဒီးအီၤ လၢကျိၤကျဲအသီတဖၣ်လီၤႉ တၢ်အံၤ ယတသ့ၣ်ညါတ့ၢ်ဘၣ်
မုၢ်နံၤတဖၣ် ဖဲယကလၢၢ်ဘၣ်ယဲ လၢယတၢ်စံၣ် လီၤတဲာ် လၢတၢ်လီၤတဲာ်အိၣ်ဒီး တၢ်ပၢၤဃာ်တန့ၢ်ဘၣ်န့ၣ်‚ ယွၤဒုးနဲၣ်ယၤ လၢယတၢ်အိၣ်ဖှိၣ်အတၢ်ဂ့ၢ်‚ ယတၢ်သးဒ့ဒီ တဖၣ်‚ ယတၢ်ပျံၤတၢ်ဖုး‚ ယတၢ်ပာ်ကဖၢလၢသး‚ ဒီး ယတၢ်အဲၣ်လီၤက့ၤသးတဖၣ်လီၤႉ အ၀ဲသူ ယတၢ်ကၢ်လီၤကလဲ အလီၢ်တဖၣ် ဒ်သိးကဒုးနဲၣ်ယၤ အတၢ်အဲၣ်ဒီး အတၢ်ပျၢ် ယတၢ်ကမၣ်တဖၣ်န့ၣ်လီၤႉ
ယတၢ်အိၣ်ဖှိၣ်သရၠာစးၣ်စံး၀ဲလၢ ‘‘နံၤအဂ့ၤကတၢၢ်န့ၣ် မ့ၢ်နံၤလၢနထံၣ်လီၤက့ၤ နသး လၢနမ့ၢ်မတၤလဲၣ်ႉ ခရၠာစးံာ်မ့ၢ်တအိၣ်ဒီးနၤဘၣ်ဒီး တၢ်မုၢ်လၢ်လၢ နဂီၢ်တအိၣ်ဘၣ် န့ၣ်လီၤႉ တၢ်န့ၣ်၀ံၤ‚ ထံၣ်လီၤက့ၤနသး ဒ်ယွၤထံၣ်နၤအသိး‚…
တၢ်ထံၣ်လိာ်သံကွၢ် သတူၢ်ကလာ်
လၢ၀့ၢ်လိဒိၣ်အပှၤမၤတၢ်ဖိ အိၣ်ဟဲလၢကီၢ်ဂၤတဖၣ် ကလဲၤတၢ်မၤအဂီၢ် ဒိးလ့ၣ်မ့ၣ်အူ ကတံာ်ကတူာ်အခါန့ၣ်‚ ပှၤဒိးတၢ်ဖိလၢဂီၤဂီၤသီသီတဂၤ ဆီၣ်ကွံာ် ပှၤလဲၤတၢ်ဒ်အီၤဒီး ကတိၤဆါ၀ဲမ့ၢ်လၢ အအိၣ်နိးအကျဲအဃိလီၤႉ တၢ်အံၤမ့ၢ် တအိၣ်ဒီး တၢ်ဆိကမိၣ် တၢ် လၢပှၤဂၤအဂီၢ်ဒီး‚ ပှၤလၢအတူၢ်ဘၣ်တၢ်အနီၣ်ကစၢ် အိၣ်တ့ၢ်လၢတၢ်တမုာ်တလၤ အပူၤလီၤႉ ဘၣ်ဆၣ် ဖဲဆၢကတီၢ်ပူၤကွံာ်ဒီး တၢ်လီၤကမၢ ကမၣ် မၤအသးလီၤႉ တၢ်မၤမူဒါခိၣ်တဂၤ ဆှၢဃီၤ တၢ်ကစီၣ်တယုၢ် ဆူအသကိးသ့ၣ်တဖၣ်အအိၣ် ခီဖျိလၢကွဲၤလ့လိၤဒီးတၢ်ပရၠာစးၢပစၢၢ်န့ၣ်လီၤႉ ‘‘တယာ်ကွၢ်‚ လၢတၢ်မၤအတၢ်ထံၣ်လိာ်သံကွၢ်အဂီၢ် မ့ၢ်မတၤဟဲပၢၢ်ထီၣ် (ဖျါထီၣ်) လဲၣ်’’ န့ၣ်လီၤႉ ဖဲအ၀ဲစံးဆၢတၢ်ဒီး ပှၤအိၣ်လၢ ဟီၣ်ခိၣ် ဒီဘ့ၣ်ဖျးဆံးအမဲာ်ဒီး နံၤကမှံထီၣ်၀ဲလီၤႉ ဆိကမိၣ်ကွၢ်လၢနနုာ်လီၤဆူ တၢ်ထံၣ်လိာ်သံကွၢ်တၢ်မၤအဂီၢ် ဒၢးပူၤ ဖဲနထံၣ် ပှၤလၢအဆၢဂ့ၤသဂၢၢ်နၤန့ၣ် မ့ၢ်ပှၤလၢ နဆီၣ်ကွံာ်အီၤဒီးကတိၤဆါအီၤ ဖဲမုၢ်တဂီၤဃီအံၤန့ၣ် ကမၤအသးဒ်လဲၣ်ႉ
စီၤပီလူးစ့ၢ်ကီး ထံၣ်သဂၢၢ်လိာ်သးဒီးပှၤလၢ အ၀ဲတမုၢ်လၢ်လၢ ကထံၣ်၀ဲ နီတဘျီဘၣ်တဂၤလီၤႉ ဖဲအ၀ဲထီဒါ ပှၤတက့ှူၢ်လၢ အမံၤမ့ၢ် ‘‘ကျဲ’’ န့ၣ်‚ အ၀ဲဘၣ် တၢ်မၤအိၣ်ကတီၢ်အီၤလၢ…
တမ့ၢ်ယၤဘၣ်
ဖဲအပူၤကွံာ်တယံာ်ဒံးလၢ ပတၢ်လဲၤဟးကသုၣ်ကသီအခါ‚ ယပာ်ထီ ယခၣ်ဆူၣ် လၢတၢ်အိၣ်ဘှံးတဘျးဖိအကတီၢ်လီၤႉ ယတံၤသကိးဒီး ပှၤမၤသကိးတၢ်ဒီးယၤတဖၣ် တဲဖျါထီၣ် အတၢ်ထံၣ် အိၣ်အကလုာ်ကလုာ်လၢယလိၤ‚ ဒီးအ၀ဲသ့ၣ်ထံၣ် အအါကတၢၢ် မ့ၢ်တၢ်လၢအဂ့ၤတခီန့ၣ်လီၤႉ တနံၤ‚ ဒ်လဲၣ်ဂ့ၤဒ်လဲၣ်ဂ့ၤ‚ ယကွၢ်က့ၤယခၣ်ဆူၣ်ဒီး စံးလီၤယသး ‘‘တၢ်အံၤတမ့ၢ်ယၤဘၣ်’’ လီၤႉ အဃိဒီး ယထုးထီၣ်ဒီ ဒီးယလူၤကွံာ်ယခၣ်ဆူၣ်လီၤႉ
ယဆိကမိၣ်ကွၢ် တၢ်ပာ်သးဘၣ်ဃးလၢ မ့ၢ်ပ၀ဲတဖၣ် ပမ့ၢ်မတၤလဲၣ်‚ ဒီးမ့ၢ်အဘၣ်မနုၤလၢ ပတၢ်မ့ၢ်တၢ်တဖၣ် တလီၤဂာ်လိာ်သး မ့တမ့ၢ်လီၤဆီလၢအံၤတမံၤဒီး လၢန့ၣ် တမံၤလဲၣ်ႉ အဆိကတၢၢ်န့ၣ်‚ မ့ၢ်လၢ ယွၤအတၢ်ဟ့ၣ်သါ ဃာ်ပှၤ လၢတၢ်လီၤဆီလိာ်သး‚ ဒီးတၢ်လၢ ပဘၣ်ပသး တဂၤတမံၤစုာ်စုာ်အဃိလီၤႉ ပ၀ဲကိးဂၤ ပသးတစဲတၢ်ဒ်သိးသိး‚ အီၣ်တၢ်အီၣ်တဒ်သိးလိာ်သး‚ တဘါသကိးတၢ်လၢသရၠာစးိာ်တဖျၢၣ်ဃီပူၤ ဒ်သိးသိးန့ၣ်လီၤႉ ပ၀ဲသ့ၣ်တဖၣ် ပလီၤဆီလိာ်သးဒီး ‘‘ပဘၣ်တၢ်တ့လီၤပှၤ အိၣ်ဒီးကမၢကမၣ်တၢ်အလီၢ်လီၤ’’ (စံး ၁၃၉း၁၄) ႉ စီၤပ့းတ့ှူးစံး၀ဲ လၢပ၀ဲတဖၣ် ပဒိးန့ၢ် ယွၤအတၢ်ဟ့ၣ် လၢအလီၤဆီလိာ်သး န့ၣ် မ့ၢ်ဒ်သိး ပကမၤစၢၤလိာ်သကိးပသးန့ၣ်လီၤ…
